Finantza-erakundeok funtsezko zeregina dugu Parisko Akordioen eta Garapen Iraunkorreko Helburuak planaren helburuak lortzeko, eta, horregatik, gure konpromisoa inplementatzen dugu; alde batetik, zuzenean, gure jardueraren ingurumen-inpaktua murrizten duten ekimenen bidez; eta, bestetik, zeharka, bezeroekin, partaidetzako konpainiekin, merkataritza-bazkideekin eta balio-kate osoarekin ditugun harremanen bidez.
Gure bezeroak, partikularrak zein enpresak, ekonomia jasangarriago eta ingurumenarekiko errespetuzkoago baterantz igarotzea errazten dugu, ingurumenean eragina murriztuko duten produktu eta ondasun jasangarriak finantzatuz.
Gutxiago kutsatzen duten ibilgailuen rentinga eta finantzaketa sustatzen ditugu, 0 ingurumen-bereizgarria edo ECO etiketa dutenak, mugikortasunaren ondoriozko emisio kutsatzaileak murrizten laguntzeko. Horrez gain, bizikletak, bizikleta elektrikoak, patinete elektrikoak eta ingurumena errespetatzen duten mugikortasun pertsonaleko beste ibilgailu batzuk erosteko maileguak ematen ditugu.
2022an, 160 milioi euro baino gehiago zuzendu ditugu gutxiago kutsatzen duten ibilgailuetara. Datu horrek 0 edo ECO etiketa duten ibilgailuen rentinga eta ibilgailu elektrikoak bakarrik egiten dituzten marken bezeroentzako maileguen bidezko finantzaketa baino ez ditu barne hartzen.
Bestalde, bezeroek gure maileguekin erosten dituzten ibilgailuen trazabilitatea izateko lanean ari gara, 0 eta ECO etiketak ere zenbatu ahal izateko.
CaixaBank Payments & Consumer-en trantsizio energetikoa sustatzen dugu, gure saltoki eta negozio preskriptoreen bidez partikularren autokontsumorako plaka fotovoltaikoak finantzatuta.
2022an, 95 milioi euro baino gehiagoko balioa izan duten plaka fotovoltaikoen erosketa finantzatu dugu. Gure helburua da sektore fotovoltaikoko enpresa gehiagorekin akordioak lortzeko eta trantsizio energetikorako bidean aurera egiteko lanean jarraitzea.
Gure jarduera CaixaBank Taldearen Ingurumena Kudeatzeko Planaren barruan biltzen diren ingurumen-praktikekin garatzen dugu, Iraunkotasunaren arloko jarduera printzipioekin bat etorrita.
Gure jardueraren eragin zuzena murrizten ari gara, besteak beste, klima-aldaketa, ekonomia zirkularra, mugikortasun jasangarria eta efizientziaren sustapena bezalako alderdietan jarduteko planekin. Gure karbono-aztarna murrizteko eta ekonomia zirkularraren printzipioak gure jardueran txertatzeko ahaleginean ari gara.
GURE KARBONO AZTARNA KALKULATU ETA KONPENTSATZEN DUGU
Gure erakundearen deskarbonizazioa sustatzen dugu, gure jarduera operatiboaren karbono-aztarna kalkulatuz eta hura murrizteko eta/edo konpentsatzeko ekimenak bultzatuz.
ERAIKIN IRAUNKORRAGOAK
Bartzelonako Experience Hub01 gure eraikinak LEED Oro ziurtagiri ospetsua du, eraikuntza jasangarriaren munduko estandarrik zorrotzenetakoa, alegia. Zigilu horrek ziurtatzen du eraikina jasangarria dela haren diseinuagatik eta eraikuntza-prozesuagatik eta leku osasuntsu eta segurua dela bertan lan egiten duten pertsonentzat.
Era berean, ingurumen-kalitateko baldintza batzuk ezartzen ditugu, CaixaBank Taldeko zentro korporatiboak iraunkorragoak izan daitezen. Besteak beste, energia eta ur eraginkortasuna handitzen duten neurriekin, eta hondakinen prebentzioarekin.
%100 PLASTIKO BIRZIKLATUKO TXARTELAK
Ordainbideen ingurumen-inpaktua murrizten dugu, fabrikazioaren eta inprimatze-metodoen berrikuntzari esker. Espainiako finantza-sektoreko lehen erakundea gara %100ean birziklaturik diren plastikozko txartelak jaulkitzen.
2022an, fabrikazio berriko gure txartel guztiak %100ean birziklatutako plastikozkoak izan ziren. Eta igortzen ditugun txartelen %97 baino gehiago material iraunkorretatik datoz (plastiko birziklatuetatik edo biodegradagarrietatik). Gainerako %3a aurreko urteetako txartelen stockari dagokio, eta amaitzear da.
2022an, %100ean birziklatutako plastikozko 6 milioi txartel baino gehiago jaulki genituen Espainian.
AITZINDARIAK TXARTELAK BIRZIKLATZEN
Ekonomia zirkularra sustatzeko asmoz, txartelen birziklapena kudeatzen duen Espainiako lehen banku-erakundea da CaixaBank. 2019az geroztik, txartel guztiak biltzeko prozesu bat dugu, birziklatuak izan daitezen. Prozesu hori posible egiteko, funtsezkoa da gure bezeroen lankidetza, erabilitako txartelak gure bulegoetan entregatu behar dituztelako. Horiei esker, 2022an 2 milioi txartel baino gehiago birziklatu ahal izan genituen Espainia osoan.
TXARTELEN INPAKTUA MURRIZTEKO BESTE NEURRI BATZUK
Gure txartel gehienen baliozkotasun-epea 5 urtetik 7ra luzatu dugu. Neurri erraz horrekin, erosotasun handiagoa eskaintzen diegu erabiltzaileei, txartela berritzeko adi gutxiago egon behar dutelako, eta, aldi berean, materialen kontsumoa eta ingurumen-inpaktua murrizten ditugulako.
Fisika alde batera utzi nahi duten gazteenentzat ere %100 txartel birtuala kontratatzea sustatzen ari gara. Neurri hori pixkanaka ari da aplikatzen, bigarren txarteletik aurrera egiten dugu, txartel fisiko bat izatea oraindik beharrezkoa dela uste baitugu.
2022an, CaixaBank txartel guztien %1,3 eta aurreordainketako txartelen %19,3 formatu birtualean jaulki genituen.
PROZESUEN DIGITALIZAZIOA
Enpresei salmenten trantsizio digitalerantz laguntzen diegu, eta horrek, kasu askotan, haien ingurumen-inpaktuak gutxitzea ahalbidetzen du.
Gainera, barne-mailan, 2022an posta-bidalketen bolumena murrizten jarraitu dugu Zuzeneko Negozioa sistemaren bidez, offline kanalak online kanaletara eskualdatuta. Eta posta-kanpainak egiten direnean FSC eta PEFC ziurtagiria duen papera erabiltzen dugu, lehengaia lortzen den basoen kudeaketa jasangarria bermatzen duena.
2022an, halaber, gure komertzialen joan-etorrien %5,3, gutxienez, saihestu izan dugu InTouch kudeatzaile berriari esker. Egia esan, saihestutako joan-etorriak askoz gehiago izan dira, %5,3 hori urruneko kudeaketa-zerbitzuaren bidez itxitako eragiketei baitagokie.
TICKETLESS TB BERRIEKIN PAPERA MURRIZTEA
2022aren amaieran, saltokiko terminaletan software berri bat ezartzen hasi ginen, eta, horri esker, saltokiari eta bezeroari aukera ematen diegu ordainagiria ez inprimatzeko, beharrezkoa ez bada.
Horretarako, software berri horrek ordainagiria formatu digitalean jaso eta gorde ahal izateko (QR kodea eskaneatzea, WhatsApp edo posta elektroniko bidez birbidaltzea, etab.) hainbat aukera eskaintzen dizkie saltokiari eta bezeroari.
Ticketles-en funtzionalitate berri horrekin, bezeroei zein saltokiei paperaren erabilera murrizten lagun diezaiekegu, beharrezkoa ez den kasuetan.
ISURPEN GUTXIAGO DITUZTEN IBILGAILU KOMERTZIALAK
Mugikortasun jasangarriago baterantz goaz, 0 eta ECO ingurumen-bereizgarriak dituzten ibilgailuak berritzeko plana pixkanaka ezartzen goazelako.
